ફાયદાકારક / શિયાળામાં રોજ ગાજર ખાઈ લેશો તો મળશે જબરદસ્ત ફાયદા, આટલા રોગો રહેશે દૂર
હવે શિયાળાની શરૂઆત થઈ ગઈ છે. ત્યારે શિયાળામાં ગાજર ખાવાની મજા જ કંઈક જુદી હોય છે. ગાજર આ ઋતુ દરમિયાન ખૂબ જ જ્યૂસવાળા અને સ્વાદમાં મીઠાં આવે છે. અને તેનો રંગ પણ ઘેરો લાલ હોય છે. એક મીડિયમ સાઇઝના ગાજરમાં 25 કેલેરી હોય છે. 6 ગ્રામ કાર્બ અને 2 ગ્રામ ફાઇબર્સ આવેલાં છે. તેમાં ખાસ કરીને વિટામિન ‘એ’ ભરપૂર પ્રમાણમાં આવેલું છે. તેમાં આવેલું વિટામિન ‘એ’ દિવસની જરૂરિયાત કરતાં 200% વધુ હોય છે. તેમાં આવેલું બીટા કેરોટીન આપોઆપ જ વિટામિન ‘એ’માં ફેરવાઈ જાય છે. જેટલું વધુ ઘાટા કલરનું ગાજર હોય તેટલું બીટા કેરોટીન તેમાં વધુ આવેલું છે. ચાલો જાણીએ ફાયદા.
ગાજરના મુખ્ય ફાયદા:
દ્રષ્ટિ માટે લાભદાયક:
- બીટા કેરોટીન રાત્રે દેખવામાં મદદ કરે છે અને મેક્યુલા ડિજનરેશન અને મોતિયાને ટાળે છે.
કેન્સરથી રક્ષણ:
- ગાજરમાં રહેલું ફાલ્કેરિનોલ તત્વ કેન્સરનું જોખમ ઘટાડે છે, ખાસ કરીને ફેફસા, બ્રેસ્ટ, અને કોલોન કેન્સર સામે.
એન્ટિ-એજિંગ ગુણધર્મ:
- એન્ટિઓક્સિડેન્ટના કારણે સેલ ડેમેજ અટકે છે, જેના પરિણામે ચહેરા પર ચમક અને યુવાવસ્થાની અસર ટકી રહે છે.
ત્વચા અને વાળ માટે ઉત્તમ:
- વિટામિન ‘એ’ ત્વચાની નમતા જાળવે છે અને ખીલ, ડાઘા અને કરચલીઓ અટકાવે છે.
હાર્ટ માટે સારું:
- કોલેસ્ટેરોલ ઘટાડે છે અને હૃદયના રોગોનું જોખમ ઘટાડે છે.
શરીરની ડિટોક્સિફિકેશન:
- લિવર અને કોલોનને સાફ કરી શરીરના ઝેરને બહાર કાઢે છે.
ગાજર ખાતાં પહેલાં ધ્યાનમાં રાખવાનું :
- સલાડમાં તેનો સમાવેશ કરો: ગાજર આખું ખાવું વધુ સારું છે, કારણ કે તેમાં રહેલા ફાઇબર્સ જળવાય છે.
- મર્યાદિત માત્રામાં ખાવ: વધુ પડતું ખાવાથી વજન ઓછું કરવાનું લક્ષ્ય પૂરું થતું નથી.